梓沐村 (Closed)

陪朋友帶狗狗去荔枝角洗牙，朋友客氣話要請我食晚餐，但帶住狗狗有啲餐廳唔入得，上網睇到麗新商業中心有間梓沐村，餐廳可以帶寵物到訪，主打台日料理。餐廳地方整潔，燈光明亮，設有地方比寵物玩耍。套餐包漬物、湯、飯為食之選日本漬物甜甜地，幾好食。鹽味哈蜊湯，味道鮮甜。白飯入口香滑，軟硬適中。日式胡麻豆腐，濃郁芝麻香氣及清涼軟嫩滑口感。招牌腐乳鹽酥雞，醃肉嘅時候加入腐乳增加鹹香，即叫即炸，炸至金黃色的去骨雞腿肉好大塊，麵衣挺薄挺酥脆，肉嫩有肉汁，口感確實是很不錯。芝麻雞翼皮脆肉嫩，單骨雞翼食得好方便！大食之選漬物、湯、飯涼拌手撕雞，雞肉嫩滑，味道帶少許微辣，十分惹味。鹽燒鯖魚，魚肉清甜結實。忌廉蟹肉餅，餡料是蟹肉加上牛奶味忌廉，食落外酥內嫩，十分香口。清爽菠蘿梳打味道鮮甜好清新。輕芝士岩鹽奶蓋綠茶，淡淡的芝士奶蓋香軟綿滑，綠茶味香濃。