Video
Read full review
2025-04-24
343 views
今次我地book左銅鑼灣一間打卡既火鍋店，用openrice book位，星期日一二就有85折優惠，星期三四六就有9折優惠，我就梗係約揀星期日食抵d啦😛餐廳環境幾潮，用霓虹燈做主角，仲有幾句金句，另外帶有少少既中國風味道，最特別係有個室外露台，有少量位係可以對住維港夜景食，樓層夠高其實幾涼爽，不過我地就揀左坐室內卡位舒服d🌃開位醬料費$22一位，調味架就係外面自助用，唔似部分單點火鍋店用完就收起😗原個椰子雞湯（半隻）（$268）呢個湯底佢用原個椰青水倒落去整，仲會刮埋椰青肉落去，湯底仲有馬蹄，竹笙，味道湯甜，店員會先滾起個湯比客人飲左先，飲夠先再加湯，落雞件開始打邊爐🐥頂級靚肥牛（M）（$198）肥牛係幾靚，唔算好肥，脂肪紋理幾平均，牛味幾濃🐮哈波子 手打蝦丸（4粒）（$68）呢個手打蝦丸同平時食既蝦丸唔同，平時既係熟蝦咁樣橙橙地色，呢個真係生蝦灰色既時候整出黎，煮熟既時候先變成橙色，鮮味十足，又夠彈牙🦐黑松露餃（4隻）（$68）呢個黑松露餃裡面有原隻鮮蝦，同個蝦丸一樣好有鮮味，令到黑松露味相對冇咁出，我就覺得緊係蝦新鮮緊要😋皇帝菜（$55）佢菜類可以$98三拼，不過我就最鐘意皇帝菜，
餐廳環境幾潮，用霓虹燈做主角，仲有幾句金句，另外帶有少少既中國風味道，最特別係有個室外露台，有少量位係可以對住維港夜景食，樓層夠高其實幾涼爽，不過我地就揀左坐室內卡位舒服d🌃
開位醬料費$22一位，調味架就係外面自助用，唔似部分單點火鍋店用完就收起😗
原個椰子雞湯（半隻）（$268）
呢個湯底佢用原個椰青水倒落去整，仲會刮埋椰青肉落去，湯底仲有馬蹄，竹笙，味道湯甜，店員會先滾起個湯比客人飲左先，飲夠先再加湯，落雞件開始打邊爐🐥
頂級靚肥牛（M）（$198）
肥牛係幾靚，唔算好肥，脂肪紋理幾平均，牛味幾濃🐮
哈波子 手打蝦丸（4粒）（$68）
呢個手打蝦丸同平時食既蝦丸唔同，平時既係熟蝦咁樣橙橙地色，呢個真係生蝦灰色既時候整出黎，煮熟既時候先變成橙色，鮮味十足，又夠彈牙🦐
黑松露餃（4隻）（$68）
呢個黑松露餃裡面有原隻鮮蝦，同個蝦丸一樣好有鮮味，令到黑松露味相對冇咁出，我就覺得緊係蝦新鮮緊要😋
皇帝菜（$55）
佢菜類可以$98三拼，不過我就最鐘意皇帝菜，單點左皇帝菜，個菜新鮮冇問題🥬
雜果味爆爆珠仙草凍（$118）
呢個甜品上枱既時候幾型，中間噴曬煙咁，裡面好多西瓜，哈蜜瓜，爆珠，同埋仙草，份量十足🍉🍈
竹蔗馬蹄水（$88）
竹蔗水打邊爐飲最適合，佢仲有條蔗係入面🎋
呢間餐廳最特別係有得室外食，室內都坐得舒服，如果唔係星期五黎食就記得要book位攞個折，火鍋湯底同用料都新鮮，價錢無折既話都少貴，舒服環境同靚食材搭救，都值得黎食😄
Post
