獨 ‧ 火鍋撚 (Closed)

凍凍地打邊爐最正！ 得兩個人打邊爐，去左試新嘢，叫 獨 火鍋撚，個名好攪笑 係火鍋撚旗下第一間嘅一人火鍋專門店，叫得獨，當然可以一人去！有梅、蘭、菊三個套餐選擇，百幾蚊。鍋仔細細但幾精緻。蜂巢豆腐白湯鍋味道特別又好味，我喜歡。朋友嘅沙嗲麻辣鍋，小辣都幾辣吓。火鍋料用層架方式上枱夠慳位。 蠔同蝦都幾水潤新鮮。 不過牛就細片啲，唔多夠喉。脆鯇魚片大大片，夠爽脆。餃子餡料足。餐飲加$12叫左腐竹蛋糖水沙冰，好有趣，值得試！唔夠飽可以散點，細細份，啱晒一兩個人份量。連水晶奶皇包都有。響鈴係即炸，熱辣辣，仲有甜酸醬配埋添！