Infinity Workshop Cafe (Closed)

平日約了朋友，想找個交通方便又可以坐得耐既Cafe 。睇過Op 哩道環境幾好就黎啦。大概一點半上到黎。成個店得大約兩枱客，環境係闊落我地揀左兩個意粉，意式煙肉蛋汁意粉同濃香茄醬豚肉意粉。( 本來想叫burger 但店員話冇) 仲叫左兩個三眼仔Latte 全店就得一個店員，佢一個人招呼晒幾枱客，又煮食又拉花都真係利害既。當然要體諒俾時間等下啦。latte 先來。正路，樣好味道不會太甜有綠茶味冇乜奶味。意粉賣相同粉量都合理。食落係好好濃，但個人認為係味精。所以兩碟都冇食晒。總括而言地方係可以坐好耐，傾足兩三個鐘都ok .（ 見到其他員工開始番工）但我食完就勁口渴，狂飲水左好耐都係好口渴。可能我對味精特別敏感掛，佢地真係重手左小小，可以改善。