Video
Read full review
2021-12-12
77 views
惠地址: 灣仔謝斐道151-161號金聲大廈地舖電話: 54404556🔹🔹🔹🔹🔹🔹🔹🔹🔹🔹🔹🔹灣仔嘅壽司惠開咗幾個月，由初初俾人話中伏到依家俾人話進步咗，有聽意見。我都心郁郁想試。趁TGIF就 book 個lunch 試下喇。Menu 有壽司十二貫（$498）或者Saku set ($1080) 另有加一。今次揀咗淨壽司12貫。除咗壽司外，仲有前菜，茶碗蒸，麵豉湯，甜品或咖啡。🍣🍣🍣🍣🍣🍣🍣🍣🍣🍣🍣🍣茶碗蒸👍🏻蛋好滑，入面有一粒百合整碎咗成三片，好甜。前菜👉🏻👈🏻金菇、娃娃菜碎、豆卜碎。無乜特別。真鯛👉🏻👈🏻可能我個人問題（利申鐘意赤身魚），都知白身魚比較淡口，所以覺得無乜魚味。牡丹蝦👍🏻👍🏻好鮮好厚身，入口蝦味完全漿住個口😋伊佐木👉🏻👈🏻放咗蔥起入面，不過都係無乜味，唔係好突出。可能放第二先上蝦會好啲。個蝦搶咗個味覺。帆立貝👍🏻Size 都幾大隻，厚肉、鮮甜。金目鯛- 炙燒👎🏻有用火燒一燒，不過本人對燒麻麻地，覺得有燶味咁。池魚👍🏻有油香，肉質鮮嫩肥美。北寄貝👍🏻肉質好爽脆， 味道鮮甜。墨魚👎🏻口感好滑有彈性，不過洒咗鹽起面，落得重手咗，咸味蓋過咗墨魚味。深海池魚👍🏻味道鮮甜，肉質
惠
地址: 灣仔謝斐道151-161號金聲大廈地舖
電話: 54404556
🔹🔹🔹🔹🔹🔹🔹🔹🔹🔹🔹🔹
灣仔嘅壽司惠開咗幾個月，由初初俾人話中伏到依家俾人話進步咗，有聽意見。我都心郁郁想試。趁TGIF就 book 個lunch 試下喇。
Menu 有壽司十二貫（$498）或者Saku set ($1080) 另有加一。
今次揀咗淨壽司12貫。除咗壽司外，仲有前菜，茶碗蒸，麵豉湯，甜品或咖啡。
🍣🍣🍣🍣🍣🍣🍣🍣🍣🍣🍣🍣
茶碗蒸👍🏻
蛋好滑，入面有一粒百合整碎咗成三片，好甜。
前菜👉🏻👈🏻
金菇、娃娃菜碎、豆卜碎。無乜特別。
真鯛👉🏻👈🏻
可能我個人問題（利申鐘意赤身魚），都知白身魚比較淡口，所以覺得無乜魚味。
牡丹蝦👍🏻
👍🏻好鮮好厚身，入口蝦味完全漿住個口😋
伊佐木👉🏻👈🏻
放咗蔥起入面，不過都係無乜味，唔係好突出。可能放第二先上蝦會好啲。個蝦搶咗個味覺。
帆立貝👍🏻
Size 都幾大隻，厚肉、鮮甜。
金目鯛- 炙燒👎🏻
有用火燒一燒，不過本人對燒麻麻地，覺得有燶味咁。
池魚👍🏻
有油香，肉質鮮嫩肥美。
北寄貝👍🏻
肉質好爽脆， 味道鮮甜。
墨魚👎🏻
口感好滑有彈性，不過洒咗鹽起面，落得重手咗，咸味蓋過咗墨魚味。
深海池魚👍🏻
味道鮮甜，肉質彈牙。
赤海膽👍🏻👍🏻
海膽好甜好清，唔腥👍🏻紫菜好脆。
鰤魚👍🏻👍🏻👍🏻
魚味濃郁，肉質幼嫩。我覺得係成個set最好食嘅。
野生Toro👎🏻
好肥好油，仲要拎入廚房燒，解釋話燒咗無咁肥，無語。食落好多筋。
另外壽司飯無乜味，飯量偏少。
汁物
靜岡蜜瓜
無問我地要咖啡定蜜瓜就直接上蜜瓜，有啲奇怪。
意見： 濕毛巾嘅右手邊，啱啱坐低無耐，毛巾都未用，侍應生好快就上蛋同前菜，上菜時用手按住濕毛巾移向我嘅右手邊。所以我無用到濕毛巾喇。
12點入坐，1點15分蜜瓜都未食就突然隊張單好趕咁要人埋單。原來因為要趕做第二轉，一個lunch 收埋加一成$550/位，仲要做兩轉， 野心太大啦吧！食個咁貴嘅lunch 好似食快餐咁趕，最尾有少少滾水淥腳咁離開餐廳，有啲唔抵。
整體好食指數：🤤🤤🤤🌚🌚（3.5/ 5）
🔹🔹🔹🔹🔹🔹🔹🔹🔹🔹🔹🔹
Post
