Dol Dam Gil Korean Restaurant

又係等老公收工而要夜食飯的一餐，等得太耐悶悶地就想食啲爆炸嘢。食韓燒當然要去尖咀啦，但行黎行去都無乜心水，亂打亂撞就去咗呢間韓燒。餐廳唔响大街，如果唔係有個阿姐企出黎拉客，我諗我地一定唔知有呢間嘢。


餐廳係典型韓燒格局，但抽風唔錯，食完都唔會成身味。待應EE有部分係阿豬媽，老闆娘又係韓國人，膚淺嘅我即時覺得pro咗。嘢食都係大路韓國菜式。韓食小食有好多款，放到成枱都係，kimchi 係自家制的，很入味....正！ 燒肉我地叫咗牛肋骨同豬腩，另外加咗kimchi soup 同生菜盤。但最impress我地嘅係有好傳統的有味菜（唔好問我呢碟嘢正式名稱係乜嘢，我地都係問佢有無夾埋肉一齊食的有味菜）、麵豉醬同埋醃洋蔥。牛肋骨很tender，很少筋，傳統的韓式食法是將肉夾在生菜、芝麻葉、醃洋蔥、有味菜同麵豉醬卷埋一齊食，一個字：超級正！

1

燒完之後就無咁肥

有味菜

韓食正宗食法.....正！

阿豬媽很親切的，周不時會過黎睇吓我地燒成點，又或者睇唔過眼幫我地燒。

至於kimchi soup 就比較淡，下次可以唔叫。