鍋 (Closed)

呢間之前已經想試，食物質素合乎預期，而且環境唔錯，坐得都幾舒服，一坐低店員會比條即棄圍裙你，水同前菜。我哋兩個人食咗兩樣嘢。本身眼闊肚窄想叫多一樣，好彩冇咋，因為佢一個鍋已經好多料-海鮮部隊鍋本身想試辣花蟹湯鍋，但原來要提前一日預訂，所以就揀咗海鮮部隊鍋。我想講都幾足料，而且一啲都唔啱馬虎，有鮑魚、蝦、蜆、魚糕、午餐肉、豆腐、金菇、冬菇、大豆芽、年糕，泡菜同茄汁豆。食到咁上下可以加個麵落去煮，超正湯底好好味，個麵索晒啲湯，我哋食到一條都冇，本身仲想加多個麵，但係唔係幾好意思🤣兩個女仔好似太誇張咁-炸紫菜粉絲卷呢個炸到脆卜卜，入口夠熱，唔錯唔錯-香蕉牛奶沙冰好香嘅香蕉味🍌甜度又啱啱好-朱古力牛奶沙冰正常朱古力味🍫都唔會太甜整體都唔錯可以再食，不過記得一定要打定電話，訂定個辣花蟹😚