呢間cafe喺馬鐵沿線 知道石門比較多嘢食，今次朋友約我試下。
Cafe裝修唔錯，地方座位寬敞，樓底高，入到去幾舒服。
我哋叫咗二人餐，選擇左扒大蝦芒果沙律、扒紐西蘭羊扒、法國鵝肝炒飯。
先黎兩件麵包。麵包暖暖的，圓嘅有提子味，麵包鬆軟。方嘅係脆脆的。
餐湯：今次餐湯係蘑菇湯。用匙羹舀起第一啖，以為佢係好稀，點知好有蘑菇味，仲有粒粒嘅蘑菇粒。
扒大蝦芒果沙律：沙律菜非常新鮮，配上少少酸尾尾又甜甜哋嘅sauce，覺得清新又開胃。驚喜嘅係大蝦，因為大蝦煎左，變左隻中蝦，但食落香口爽口又夾到個沙律。
扒紐西蘭羊扒：我哋叫咗7成熟，對我嚟講有點熟，下次可叫5成。羊扒有三件，size屬較細，肉面煎得香口，肉質嫩口，羊味唔算濃。另配上特定醬汁，其醬汁有點似牛尾湯特濃版。如唔想點醬汁，可要求芥末或薄荷醬。
鵝肝炒飯：可能食咗羊扒嘅關係 ，因此覺得其炒飯較為清淡。當中食到鵝肝碎，但比例上較為少。
飲品及甜品：欣賞佢嘅朱古力蛋糕，朱古力味香濃又有蛋糕嘅口感。
