尚上下夏 - 養生雞煲火鍋 (Closed)

最近成日翻風落雨又颱風，俾啲藉口自己去打邊爐滾一滾下，所以去咗山林道嘅尚上夏下打邊爐。望吓點嘢食張紙，湯底同火鍋配料嘅選擇都好多，又可以先食雞煲，之後再打邊爐，滿足晒兩個願望。醬料盤都係一個必須重點，呢度有好多火鍋醬料。我們點左鴛鴦鍋，藥膳加麻辣。點左豬皮用嚟配麻辣湯底。另外屋企人鍾意食魚，個魚都好新鮮，只需輕灼就可以食。牛肉都好靚，好有牛味。炸響鈴浸一浸就食得。粟米浸喺藥材湯底嗰邊，等到最後先食，吸盡藥材嘅精華。總括食物質素幾好，食材新鮮，店員服務又好，非常主動。