今日星期六終於試下，原本以為要排隊，
點知好快就入得！
餐牌係主食加飲品，大概60蚊一個set，屯門區價錢黎講唔算平，但泰國野價錢算抵食。
凍飲唔洗加錢，亦唔洗再加一，都明碼實價。
兩個人叫左個金邊粉同冬蔭公米線。
我個份金邊粉炒得唔錯，幾多料，花生碎香脆，重點係好大份，大男人都食唔晒。
朋友話個冬蔭公米線個湯底都幾惹味
，米線都幾爽口彈牙，唔會溶溶爛爛，但如果多啲海鮮就更正。
幾外跟餐加左兩個小食（每個+$12）。
炸香蕉幾特別，同以前係印尼食過唔同，
炸得啱啱好，炸粉夠薄，啖啖香蕉肉，值得一試。
雞翼燒得唔錯，外皮焦香，
但似乎醃得唔夠，中間較淡味，
鍾意重口味既人就未必啱喇。
