正點心 (Closed)

今日係美孚新邨放工，經過見到呢一間點心店就入去試試。食物款式都幾豐富，價錢都係合理範圍之內，全日免收加一服務費，而早市、午市同下午茶有其他額外優惠。我叫左牛油果煎香蝦春卷、金箔鮮蝦餃皇同金瓜蒜香蒸排骨。本身以為三樣野可以一個人輕鬆食完，但每份點心都幾大份，最後好唔容易先勉強食曬。牛油果煎香蝦春卷既牛油果味唔算重，上枱時依然係熱辣辣，脆卜卜，口感不錯。金箔鮮蝦餃皇每粒都份量十足，蝦肉新鮮爽口。金瓜蒜香蒸排骨食落有淡淡蒜香，味道層次更加豐富。排骨肉質香軟，多汁。食物味道整體不錯，路過值得一試。