名館 (希慎廣場) (Closed)

位於希慎商場，應該裝飾用料會比較注重，但反而用左發泡膠加透明膠黎做間格開四人枱既工具，估唔到太流又輕，食食下野比人推跌呢塊板🙄呢度有推任食點心放題，價錢都幾抵$168，下次要試試🤭因為一碟天鵝酥都要$58，食放題抵好多講返食物先半隻雞：呢隻雞上枱個刻真係唔多掂，無光澤，不過食就都👌🏻蜜汁叉燒：相睇到兩隻色，深色兩件有鞋口，普普通通無乜特別黃金蝦球：好食，鐘意食蛋黃咸香既可以試吓，蝦都大隻，彈口花膠海皇魚翅撈飯：呢個好特別，推介食呢個，下面會有個爐興住，要睇火，如果唔係就會燶咗影響成煲都有燒蕉味😆蒜蓉粉絲蒸扇貝：見隔離枱叫甘大隻，就叫左兩碟食，都幾大隻，相對地點價錢都算唔貴，蒸既粉絲亦唔會太硬蜜椒脆薯牛柳粒：普普通通銀湖天鵝酥：呢個入面餡料係甜嘅，3隻野要$58，如果食點心自助餐放題食會抵啲囉！佢個鵝頭主要裝飾，唔好食，食落都油膩，好睇唔好食鮮肉一口小籠包：普普通通，醋又無比薑絲黑松露翡翠炒帶子：帶子又幾大隻，一碟仲有成6粒，都算抵食仲有個蘿蔔絲酥餅，無影相，呢個都係比較油膩結賬時個侍應話有9折，之後先再講如果買盒月餅全單會有9折，如果張單食得貴，買盒餅計返都抵，不過最後我地無買到🤣