阿四車仔麵 (Closed)

睇完波鞋朋友提起想食麵就帶咗佢去試阿四車仔麵。之前試過諗返起個蘿蔔好甜好想再食😖可以免費加腩汁👍🏻👍🏻蘿蔔必叫，大舊勁甜仲要煮到好淋🤨粗麵可以唔洗試豬大腸好漲夠入味好乾淨，呢樣唔係間間做到。西生菜🥬煮得剛剛好，加埋豪油一流。兩個人食可以叫唔同嘅餸交換食😃豬大腸同豬紅都好好食蘿蔔更加唔洗講啦，下次嚟都一定要再叫。個南瓜薯餅暫時係香港食過最好食😋炸到好脆好靚🤩南瓜夠甜加埋薯蓉整到好淋👍🏻👍🏻👍🏻另外朋友叫左杯凍奶茶，佢話都好好飲。值得一提嘅係呢間車仔麵位置好方便，環境好坐乾淨，入鋪要探熱提供搓手液，防疫做得唔錯☺️可以一試再試