Hungry Dino

剛剛落班我個肚就開始餓所以就喺附睇吓有咩好嘢食，突然就被一個好得意嘅小恐龍所吸引住於是就入去探一究竟。店舖空間不大，喺裝修方面睇得出得幾有心思以唔同顏色嘅小瓷磚堆砌成一個噴火嘅小恐龍既得意又有標誌性。川味麻辣雞，飯糰系列都係即叫即包，新鮮就一定咖啦！要大讚既係飯糰既米粒非常結實，餡料比例亦都好足，呢個麻辣味道好突出，完全是川菜果種麻辣。帆立貝好大只，又係必食！另外鰻魚都幾多，啖啖都食到，燒左口魚油脂豐富，最後拖羅都係驚喜，冇諗到同腐皮壽司可以咁夾。下次都會來。