樂湯雞麵館 (登龍街) (Closed)

星期日約咗同學傾功課，去銅鑼灣食個lunch 本住行過路過試新野嘅精神，係登龍街揀咗呢間樂湯雞試吓，因為見到有藥膳湯底，唸住應諳正常掛，點知…醉雞·藥膳湯拌麵雞肉好「鞋拾拾」，湯底被紅棗味掩蓋，拌麵還可以。加配杯豆漿係最正常。砂窩雲吞雞 （細）雞肉係韌嘅，湯底一般，雲吞麻麻地。入到去舖頭有陣奇怪味，先生話係酸菜味。侍應姐姐好努力推銷二人餐，但因為太早食唔落，我哋揀咗單點，亦好彩無點二人餐，如果唔係我會更加後悔。