宮崎日式燒肉店 (Closed)

前日（6月18號）去食生日飯，樓上reception態度十分nice，但落到去地庫，發現冇人自願去帶客入座，大家都你眼望我眼、掂行掂過，企咗一陣終於有人黎帶我地入座。去到叫野食，居然可以舉起點餐紙幾分鐘都冇人黎拎，叫人又係，叫幾多次叫幾大聲都冇人應。食物終於黎到，賣相絕對唔錯，但肉類燒落去完全唔掂，又易碎又細舊、海鮮又腥。最離譜係，去到埋單走個刻都可以壽司一舊都冇黎過。另外，正常一間餐廳應該要以客為上，但竟然要客人遷就返自己，本身諗住蛋糕最後半個鐘先食，但員工不但提前拎咗出黎，更拒絕將蛋糕擺返雪櫃，搞到最後驚喜失敗。