Antoshimo Cafe & Bakery (Closed)

見到朗豪坊新開左間餐廳，餐牌又整得唔錯，價錢唔算貴，一行四人就去左試新野，點知連一向對食冇咩要求嘅我都忍唔住要寫番篇食評我地好彩坐左張應該6人既卡位，所以座位都算舒適。入場侍應已經提醒入座時間90分鐘,揀左一陣就叫侍應落單。 詳細名稱已經唔記得。我地叫左芝士同蕃薯炸面包各一，炸雞面 炸魚面 海鮮咖哩意粉 沖繩苦瓜炊飯。首先，上菜已經上得好慢 。等了15分鐘左右先黎兩個炸面包。食落口， 芝士炸面包芝士少得可憐，都唔期望佢有拉絲既感覺，但入面只有薄薄一層，感覺就只係似吃咸啲既炸饅頭咁。之後主食係逐碟逐碟慢慢上。。我個朋友第1碟黎到，佢食完我個碟都未到。成25分鐘先上晒所有野食。先要說 炊飯和意粉，雖然相片只供參考，但個賣相未免太求其。意粉好似自己係屋企淥熟完撈汁一樣一petpet。至於炊飯，就咁睇個樣都完全感受到個廚師將啲飯一野兜上個碟既力度。。咖哩海鮮意粉跟平常日本咖哩口味不同，比較甜，而且係椰奶既甜味，整體就係得呢隻甜味，無乜其他味。炊飯應該是四個主食中最有味的一碟了，有未試過既海葡萄，有海水咸味，但同行友人說海葡萄還有腥味，就像唔新鮮既海膽個隻腥臭味，我味覺一向不太敏感所以覺得還好。