Video
Read full review
2025-03-08
1170 views
之前喺facebook 見到睇落好似好好食，帶埋老公去試，感覺似中伏。睇落好似好好食嘅樣，好吸引，前日去到見到好多人排隊，睇過OpenRice 都未有差評，諗住應該會好食，但最後失望收場。兩個人去食，叫咗一個腹心肉和牛餐，一個龍脷柳蛋包飯，一齊share，兩杯凍頂烏龍茶一凍一熱，熱嗰杯ok嘅，凍嘅使用玻璃樽裝，個樽似重用加無洗乾淨，蓋內邊緣有明顯污漬、蓋上灰色帶尾端呈啡黑色，飲咗一啖見到已經唔係好夠膽飲，同最後返到屋企喺我哋個餐兩個share全日食嘅嘢完全一樣嘅狀況下，飲玻璃樽裝冷萃茶嘅我老公肚痾，我飲熱嘅無事，疑似係玻璃樽嘅衛生問題。食物方面，先講腹心肉和牛餐，淨係得個底嘅薯蓉係熱，其他凍上，薯條唔脆，牛肉同薯蓉混合埋一齊，唔知係廚房問題定薯蓉餘熱嘅問題，大部分牛中間都唔再係粉紅色甚至過熟，成個餐好食嘅得啲薯蓉同個蒜蓉牛油尚算ok。至於龍脷柳蛋包飯問題就大好多，以前教我整壽司嘅師傅曾經同我講啲飯太實啲客會慘過食屎，我終於有機會明佢嘅意思，蛋包飯啲飯太實，估計係放入模嘅時候造成，實到離譜嘅程度，有種割裂感，啲飯食落感覺同碟入面嘅所有其他野都係唔夾，分開咗咁，汁太少，龍脷柳疑似急凍貨，伴
睇落好似好好食嘅樣，好吸引，前日去到見到好多人排隊，睇過OpenRice 都未有差評，諗住應該會好食，但最後失望收場。兩個人去食，叫咗一個腹心肉和牛餐，一個龍脷柳蛋包飯，一齊share，兩杯凍頂烏龍茶一凍一熱，熱嗰杯ok嘅，凍嘅使用玻璃樽裝，個樽似重用加無洗乾淨，蓋內邊緣有明顯污漬、蓋上灰色帶尾端呈啡黑色，飲咗一啖見到已經唔係好夠膽飲，同最後返到屋企喺我哋個餐兩個share全日食嘅嘢完全一樣嘅狀況下，飲玻璃樽裝冷萃茶嘅我老公肚痾，我飲熱嘅無事，疑似係玻璃樽嘅衛生問題。
食物方面，先講腹心肉和牛餐，淨係得個底嘅薯蓉係熱，其他凍上，薯條唔脆，牛肉同薯蓉混合埋一齊，唔知係廚房問題定薯蓉餘熱嘅問題，大部分牛中間都唔再係粉紅色甚至過熟，成個餐好食嘅得啲薯蓉同個蒜蓉牛油尚算ok。
至於龍脷柳蛋包飯問題就大好多，以前教我整壽司嘅師傅曾經同我講啲飯太實啲客會慘過食屎，我終於有機會明佢嘅意思，蛋包飯啲飯太實，估計係放入模嘅時候造成，實到離譜嘅程度，有種割裂感，啲飯食落感覺同碟入面嘅所有其他野都係唔夾，分開咗咁，汁太少，龍脷柳疑似急凍貨，伴碟嘅紅蘿蔔入面甚至都未熟。
最後本住唔浪費食物嘅原則食到幾多係幾多，除咗支冷萃茶太污糟真係飲唔落，但可一不可再，要執嘅位實在太多，環境上食飯期間一直俾挑隊嘅人望住都唔係咁舒服。
總結：薯蓉係ok，擺盤以價位嚟講都算唔錯，服務態度好良好，應該係唯一值得一讚嘅位，但我唔係去食服務態度，而作為食肆最重要嘅食物質素、味道都唔掂，衛生都有啲疑慮，只能講唔值得一試，當然可能睇佢Facebook 期待值太高有落差都係一個因素，但單睇食物依然唔ok。
雖然唔係好想俾第一個差評，但有啲位真係要講，希望佢哋遲啲可以改善下
Post
