川棧 (Closed)

鍾意周圍試唔同地方嘅川菜或者辣野，呢間舖頭細細喺上環，裝修幾有中國氣息，有好多好似四川嘅擺設，食物價錢都唔貴，不過經驗就麻麻地。叫咗個魚片薯粉，個湯味道唔錯，酸酸辣辣，但係啲魚就有腥味，又薄感覺唔新鮮，食咗一兩塊都唔敢食，啲薯粉就煮到啱啱好，不過份量好少食得唔飽。12:05入去，因為份量少所以好快食完，12:35待應已經叫我哋買單趕我哋走，想坐多陣都唔得，可能出邊因為有人等緊位，但至少起碼俾我哋食夠一個鐘先啦。