Video
Read full review
2009-08-24
40 views
同毒品一樣, 可一。不可再之前食過CWB 嗰間, 已經覺得佢得隻碟大, 無料到; 事隔多年, 再去試多次, 今次轉去北京道一號嗰間, 諗住, 轉個地頭, 可以有新番新天地, 結果比上次更谷氣。 一行7人被安排除鞋坐房仔, 不過問題係, 無WAITER! 結果我地要爬個身出去揮手, 都無人應。 全晚WAITER 只得一個女仔, 佢要一個人應付全條行, 共6間房, 每間房坐6-8人, 結果成晚連茶都無滴。 幾經辛苦終於搵到第二個WAITER, 點知原來佢只識日文, 英文識都唔識多隻; 而且最無禮貌係, 我地叫佢埋嚟, 佢竟然拎頭兼歎氣。 哇~~ 你唔係咁呀麻?? 你點做WAITER架? 就算你係經理, 都無理由唔滿意個客唔識同你講日文, 而畀個咁嘅態度呀? 算喇, 唔講服務, 講食物。雖然隻碟終於都細番D, 但係D食物一樣咁細份, 而且唔太新鮮。 最深印象係個「超特級刺身」, 你寫得個「超」字, 我真係當你好「超特級」啦, 點知嚟到之後, 一咬落隻蝦度, 一陣腥味湧埋嚟; 其他刺身就毫無特別, 而且樣樣只得2-3件, 但係個價錢就真係「超特級」喇, 加埋一差不多成$500。哇....呢
之前食過CWB 嗰間, 已經覺得佢得隻碟大, 無料到; 事隔多年, 再去試多次, 今次轉去北京道一號嗰間, 諗住, 轉個地頭, 可以有新番新天地, 結果比上次更谷氣。
一行7人被安排除鞋坐房仔, 不過問題係, 無WAITER! 結果我地要爬個身出去揮手, 都無人應。
全晚WAITER 只得一個女仔, 佢要一個人應付全條行, 共6間房, 每間房坐6-8人, 結果成晚連茶都無滴。
幾經辛苦終於搵到第二個WAITER, 點知原來佢只識日文, 英文識都唔識多隻; 而且最無禮貌係, 我地叫佢埋嚟, 佢竟然拎頭兼歎氣。 哇~~ 你唔係咁呀麻?? 你點做WAITER架? 就算你係經理, 都無理由唔滿意個客唔識同你講日文, 而畀個咁嘅態度呀?
算喇, 唔講服務, 講食物。雖然隻碟終於都細番D, 但係D食物一樣咁細份, 而且唔太新鮮。
最深印象係個「超特級刺身」, 你寫得個「超」字, 我真係當你好「超特級」啦, 點知嚟到之後, 一咬落隻蝦度, 一陣腥味湧埋嚟; 其他刺身就毫無特別, 而且樣樣只得2-3件, 但係個價錢就真係「超特級」喇, 加埋一差不多成$500。哇....呢碟嘢真係特級喇。
再來係個「海鮮什錦泡菜鍋」, 我地係叫左十幾樣O野都發現無咩落肚, 先再後加嘅。結果亦不負所望, D 蝦係死蝦, 痴殼兼咬落口D肉係「梅」嘅。 哇....唔好咁過份啦....邊有人賣海鮮唔生鮮架..
仲有就係嗰個「特級什錦壽司--天上」, 個價就「天上」喇, 得14件就要接近$400; 同樣嘅死症, D 蝦好腥...唉...唔好咁啦..食餐飯啫... 我唔想D嘢咁難食呀..
其餘嘅小食都無特別, 不過要數點都要數吓個「清酒煮硯」, 喺濃烈嘅酒味之下, 竟然會係一陣陣勁重嘅牛油香...要知道, 清酒溝牛油, 嗰陣味....真係唔太開胃, 而且非常奇怪...我地都係局住要食哂佢.....
最後呢...隻炸豪好硬.....好似....咬地雷...
一餐飯有1,2樣難食好正常, 不過呢個價錢, 咁嘅服務, 咁嘅食物質數, 就未免太過份喇。
記住, 咪再賣腥蝦喇, 可一。不可再。
Post
