一入門口，待應好熱情招呼你，為你介紹唔同既套餐。我地揀左尊貴海鮮套餐，有十款野食加埋粥底。
首先落晒粥底既材料先，跟住就由淡到濃味既海鮮順住蒸黎食。呢個過程全程由待應幫你，唔駛自己做架。
首先食越南大虎蝦，其次係日本大元貝、台灣九孔鮑魚、野生大賴尿蝦、紐西蘭刀貝蚌、韓國慶南蠔、深海龍躉片、澳洲青年龍蝦、罕有大黃奄蟹，食完海鮮就有一籃有機蔬菜，最後就有吸晒海鮮精華既粥底。
最後仲有木瓜雪耳燉官燕，好足料架。
呢間既老闆係做海鮮批發架，難怪所有海鮮都好新鮮，食得出海鮮既鮮味，一定滿足到海鮮迷既要求。
