Video
Read full review
2021-06-21
17 views
中學時期間中都會同朋友買透明袋裝撈麵，一人一包企喺街頭，一邊食麵，一邊傾計。價錢便宜嘅撈麵，配上簡單百搭配料，飽肚又好味，係我哋嗰個年代嘅共同回憶。最近得知元朗嘉誠後面有間爆辣冷麵，招牌爆多蟹籽冷麵喺網上爆紅，就過去買幾款外賣。小店果然人氣十足，大約等咗30min先攞齊食物。食物全部都有6款辣度選擇（亦可以揀唔辣），我揀咗一D 蚊仔辣小試牛刀，一D就小辣。溫馨提示，呢度嘅辣椒醬好容易入口，但辣度並唔惹少，特別係小辣，食到第三啖，去到喉嚨先感受到辣度，真係有噴火嘅感覺！嗜辣嘅朋友可以挑戰一下，辣度絕對非同小可！聽講辣椒醬係店主自家研發，用上4款辣椒猛火炒製3小時而成，難怪咁『爆辣』！爆多蟹籽冷麵一打開就見到橙海，蟹籽鋪滿整個冷麵，果然無違反商品說明條例！冷麵份量亦比想像中多好多，一個人食非常飽肚！冷麵汁用咗辣椒、指天椒、燈籠椒加生蒜粒製作而成，如果落多D，每條冷麵都食到嘅話會更加惹味！賽磅蟹杯麵賽磅蟹喺上海菜就見得多，crossover冷麵真係第一次見，好有創意！冷麵掛滿辣椒醬，辣勁十足，味道較淡嘅賽螃蟹剛好可以中和一下，粟米及蟹柳以及滿滿嘅蟹籽，配料簡單，不過呢個又係回憶點呀！雞翼雞翼
小店果然人氣十足，大約等咗30min先攞齊食物。食物全部都有6款辣度選擇（亦可以揀唔辣），我揀咗一D 蚊仔辣小試牛刀，一D就小辣。溫馨提示，呢度嘅辣椒醬好容易入口，但辣度並唔惹少，特別係小辣，食到第三啖，去到喉嚨先感受到辣度，真係有噴火嘅感覺！嗜辣嘅朋友可以挑戰一下，辣度絕對非同小可！聽講辣椒醬係店主自家研發，用上4款辣椒猛火炒製3小時而成，難怪咁『爆辣』！
爆多蟹籽冷麵
一打開就見到橙海，蟹籽鋪滿整個冷麵，果然無違反商品說明條例！冷麵份量亦比想像中多好多，一個人食非常飽肚！冷麵汁
用咗辣椒、指天椒、燈籠椒加生蒜粒製作而成，如果落多D，每條冷麵都食到嘅話會更加惹味！
賽磅蟹杯麵
賽磅蟹喺上海菜就見得多，crossover冷麵真係第一次見，好有創意！冷麵掛滿辣椒醬，辣勁十足，味道較淡嘅賽螃蟹剛好可以中和一下，粟米及蟹柳以及滿滿嘅蟹籽，配料簡單，不過呢個又係回憶點呀！
雞翼
雞翼又滑又入味，但我越級挑戰中辣，不得了！辣到癲！
蟹籽沙律
沙律材料豐富，有青瓜絲，帶子裙邊，粟米，蟹柳及紫菜，蟹籽依舊下得慷慨，帶子裙邊口感爽脆，配上粒粒粟米及絲絲蟹柳，清新開胃嘅頭盤。
爆辣雞軟骨
雞軟骨份量好足料，雞軟骨用自家招牌生蒜油炒，食落更加香口，最後加上招牌爆辣醬爆炒，辣辣地好惹味！我揀咗蚊仔辣，辣得嚟帶少許嗆口，令人食唔停口。
小店仲有自家製嘅爆辣油生蒜賣，試過鐘意可以買返去煮飯用呢！
Post
