Video
Read full review
2018-08-19
2114 views
如要講去街市熟食中心或大牌檔食飯，我會去深水埗「愛文生」，貴咗好多的北角「東寶小館」，仲有上灣街市熟食中心的「棟記」。 對上一次來「棟記」，剛好一年前，叫到成枱餸，人均才 $100 有找。又有三免：免開瓶費、免切餅費、免加一，真係可以想食乜就嗌乜，唔使點睇價錢。 今回叫的與上次有唔同，沒有刻意分辦，只是隨心叫。椒鹽系炸物走唔甩啦，上次的「椒鹽三寶」是椒鹽鮮魷、椒鹽豆腐同椒鹽腰果。。。避免腰果再升呢都叫做「寶」，所以分開叫： 「椒鹽鮮魷」堅酥香脆，水凖 keep 到。「椒鹽豆腐」就太淡喇，在圓枱上轉了十幾個圈，仍然無人再夾，陰公豬。。。 「西檸雞」，調味不錯。呢味係我讀大學時，同班莊友食飯必叫的餸，都係出街先會食，自己好少整： 「西蘭花炒蝦球」，蝦球走完油後仍爽彈，走油功夫靚： 「豉油皇鵝腸」，無上次咁鹹，叫做過過口癮： 熟我的朋友都知我麻麻地吃魚肚羹。「海鮮魚肚羹」，齋睇無食： 第一次叫「咕嚕肉」，是否有些失手？！肉太硬，沒掛汁，似隔夜翻炒，有 D 失色： 反而「欖菜四季豆」鑊氣仲正，欖菜炒得超香，這個推薦！ 上次食過的「鹽焗元朗烏頭魚」$99，賣哂，唯
對上一次來「棟記」，剛好一年前，叫到成枱餸，人均才 $100 有找。又有三免：免開瓶費、免切餅費、免加一，真係可以想食乜就嗌乜，唔使點睇價錢。
今回叫的與上次有唔同，沒有刻意分辦，只是隨心叫。椒鹽系炸物走唔甩啦，上次的「椒鹽三寶」是椒鹽鮮魷、椒鹽豆腐同椒鹽腰果。。。避免腰果再升呢都叫做「寶」，所以分開叫：
「椒鹽鮮魷」堅酥香脆，水凖 keep 到。「椒鹽豆腐」就太淡喇，在圓枱上轉了十幾個圈，仍然無人再夾，陰公豬。。。「西檸雞」，調味不錯。呢味係我讀大學時，同班莊友食飯必叫的餸，都係出街先會食，自己好少整：
「西蘭花炒蝦球」，蝦球走完油後仍爽彈，走油功夫靚：
「豉油皇鵝腸」，無上次咁鹹，叫做過過口癮：
熟我的朋友都知我麻麻地吃魚肚羹。「海鮮魚肚羹」，齋睇無食：
第一次叫「咕嚕肉」，是否有些失手？！肉太硬，沒掛汁，似隔夜翻炒，有 D 失色：
反而「欖菜四季豆」鑊氣仲正，欖菜炒得超香，這個推薦！
上次食過的「鹽焗元朗烏頭魚」$99，賣哂，唯有轉做「檸檬蒸烏頭」
原條上，魚肉蠻甘香，魚汁亦開胃，撈飯該會很不錯。全晚我最喜愛「啫啫通菜煲」，是真正做到蝦醬惹味，熱辣辣滋洌啫𠼱，通菜槓有咬口，無敵，好得！
「中式牛柳」，調味可以，肉就有些韌。都好，起碼無落鬆肉粉：
「海味雜菜煲」湯鮮菜嫩，合格：
原隻「炸子雞」，皮脆肉嫩，沾些椒鹽更好提味，而且蝦片是脆的！店方後來送多一碟炸蝦片，這就是小店不拘小節的魅力。多謝侍應阿姐！！！
鑊氣繼續，「肉絲炒麵」與「楊州炒飯」，$38 碟，抵吃：
全晚食咁多嘢，有魚有雞有海鮮，最後人均 $102。氣氛高脹，這就是來街市吃飯正斗之處，糧尾之選 XD
Post
