有落地玻璃的樓上餐廳永遠都聽落吸引， 咁樣食野都食得開心啲，就好似海港城大家樂都有海景睇，即時升級晒！
其實組長似乎都幾受歡迎，就算係平日夜晚都幾乎滿座，果然銅纙灣人流極高，一至五都唔放過！
呢度推介下~組長刺身都多款，包括：三文魚、、帶子、油甘魚、鮑片、海立魚、希靈魚、八爪魚、甜蝦、白鳥貝、馬刀貝等等，每塊魚生都肥厚, 每一塊都唔算細，入口覺得幾滑,有新鮮既味道,又唔會話太大陣雪藏味,唔錯!
其實原本以為會有好大陣雪藏味, 食落又唔係好覺 , 而且算大件, 口感唔錯！ 頗新鮮,怪唔得客人也頗多。
因為太專心吃的關係,冇影好多相, 其實仲食左好多串燒、天婦羅、炸物等，呢度野飲都幾多選擇。組長除了食物新鮮外，有個好處就係即使漏單員工都會好快追番漏左嘅order, 都幾efficient。
問題只是枱與枱之間的距離太近，而且員工可以更主動收拾碟子，方便D食野！
