元気壽司 (Closed)

本人某晚和家人一行五人到銅鑼灣時代廣場元氣晚膳，時間約六時四十五分就入坐貼著迴轉位的六人卡位，後來我們叫一位男侍應給我們一張order紙，填好後叫一名Tracy的女待應落order，但她看到我們所寫的order紙後，語氣很沒禮貌的對我們說：「呢張檯係唔準用order紙落order o既，下次要落就叫我地落啦！」我聽到後就話：「咁我o地寫左order紙，你可以跟返黎用你方法落order囉」Tracy聽後面色黑如死灰，一路都冇出聲冇覆單，佢落晒落佢本薄後，二話不說，居然發脾氣好用力咁扯走我地檯面張order紙，我地全張檯五個人，都被佢嚇一跳，大家都話：「有冇攪錯呀，」興高采烈吃壽司o既mood打翻左一半，搵經理投訴，所謂既經理只係識講，我會留意我會留意，連叫果位待應講句sorry都冇，果位待應知我地投訴後，繼續眼了了，我想知呢d叫咩做服務性行業？客人幫襯都要受氣？請問貴公司可唔可以給我我一個合理交待，而唔係求其講句我會處理？真係怕如果元氣個個待應都好似Tracy一樣，縱使元氣壽司有幾好食幾抵，都會嚇走晒客人。