麻酸樂米線專門店 (都會駅) (Closed)

今次做完運動好肚餓，緊係即刻去附近揾嘢食啦。今次去麻酸樂食個下午茶。叫咗手撕雞撈紅薯粉配麻香醬，有個小食吉列一口班球，另外仲加咗個特飲雜莓乳酪。飲品好快嚟咗，雖然叫特飲，但飲落無咩特別。俾佢呃咗我12蚊添。主菜好快啦嚟埋啦。手撕雞撈紅薯粉除咗雞之外，仲有酸菜，花生，青瓜。最近仲加上麻醬，撈埋之後食落幾香口。薯粉食得出係啱啱煮起，因為仲好熱辣辣。唔知點解我覺得涷食會好食啲，可能食開雞絲粉皮掛。不過熱熱哋都唔錯丫。最後係個小食吉列一口班球，佢新鮮炸出嚟熱辣辣當然好食。食落有啲似早餐嘅吉列魚柳，有千島醬點，幾好食。最後埋單47蚊，我覺得呢一個價錢有幾樣嘢食都唔錯丫。