諾亞半熟蛋糕專門店 (Closed)

奇怪諾亞的分店愈來愈少，除了港島，似乎僅剩九龍這一家。之前有買過士多啤梨流心蛋糕，印象還不錯。姑姐想食好耐，今次借由經過再次帶一個返黎。大粒草莓必定令人難忘，眾多蛋糕我眼裡只有它。店員貼心準備了冰塊，加之天氣清涼，蛋糕唔會輕易融化。雖然配齊餐具，我講究情調的姑姐，堅持用返自己的碟同叉。還是熟悉的士多啤梨香，甜蜜而清新。芝士的味道更符合港人的口味，輕巧不厚重，就算食多兩啖都唔會漏。而貨真價實的原粒草莓，與蛋糕更是相輔相成，雙重口感，一齊融化在口中。與其說是半熟蛋糕，我認為這款更似慕絲蛋糕。流心程度不够。即使味道不錯，就係價錢方面有些小貴。見飲品造型可愛，都順便買個返去。洛神花茶唔會大甜，清清涼涼倒是解渴。飲完個樽我又再次利用，搖身一變成花樽，家裡買多的年花剛好可以插在裡面。看見如此可愛的花，心情亦好上幾分。