六樓後座冰室 (Closed)

第一次寫食評，係因為真係睇唔過眼。星期六通常都俾媽咪休息一下，等佢唔使煮飯。所以我都會買唔同嘅外賣番屋企同佢一齊食。但從未試過咁差。今晚叫咗二人餐，蒸魚 同 蒸雞。從攞到外賣到番到屋企前後不到10分鐘，再加上天氣唔凍。但打開個湯居然係凍嘅，仲要係凍到表面開始結油。已經非常失望。再食個蒸魚，凍到開始腥，魚肉蒸過晒火，好老。個蒸雞算係正常小小，但都係蒸過晒火，無雞味。再加上有位伙記莫名其妙咁講得超大聲，隔離舖都聽到。另外我喺門口等外賣又俾蚊咬，唔該揾人搞搞佢啦。不過，我都唔會再幫襯。