Video
Read full review
2019-07-15
333 views
【海老虎拉麵】HKD 98-麵底：無得揀硬度，幼拉麵底，麵質爽口，由頭食到尾都是爽口，無因為被湯浸咁耐而腍左。湯底：湯底濃郁，第一啖似品嘗緊龍蝦湯一樣，好有驚喜。但當食到中段時，開始覺得有點膩同咸。做唔到一口氣食到尾既效果，中段要飲水解一解膩口既感覺。叉燒：切得薄身，有少少肥肉，咬落腍身唔「鞋」口。櫻花蝦：數量適中，脆及乾身，連蝦湯一齊入口，都唔錯。溫泉蛋：無，要另嗌。＝＝＝＝＝＝＝【炸雞塊】HKD 43-炸雞塊一黎就落左入口，無影相，但我十分推介，因為炸得香脆，而且入面既雞肉好滑同嫩，仲好 JUICY 添，正。【極力推介。】＝＝＝＝＝＝＝整體，如果鐘意食濃郁湯底拉麵既朋友，可以一試，湯既第一啖是滿分的，雖然睇黎好似好細碗，但食畢都幾飽下。本人只是覺得味道咸了一點，否則味道會有滿分。店內環境光猛，似日本的新式拉麵店。服務方面，見水壼沒水會主動換新水壼。
麵底：無得揀硬度，幼拉麵底，麵質爽口，由頭食到尾都是爽口，無因為被湯浸咁耐而腍左。
湯底：湯底濃郁，第一啖似品嘗緊龍蝦湯一樣，好有驚喜。但當食到中段時，開始覺得有點膩同咸。做唔到一口氣食到尾既效果，中段要飲水解一解膩口既感覺。
叉燒：切得薄身，有少少肥肉，咬落腍身唔「鞋」口。
櫻花蝦：數量適中，脆及乾身，連蝦湯一齊入口，都唔錯。
溫泉蛋：無，要另嗌。
＝＝＝＝＝＝＝
【炸雞塊】HKD 43-
炸雞塊一黎就落左入口，無影相，但我十分推介，因為炸得香脆，而且入面既雞肉好滑同嫩，仲好 JUICY 添，正。
【極力推介。】
＝＝＝＝＝＝＝
整體，如果鐘意食濃郁湯底拉麵既朋友，可以一試，湯既第一啖是滿分的，雖然睇黎好似好細碗，但食畢都幾飽下。本人只是覺得味道咸了一點，否則味道會有滿分。
店內環境光猛，似日本的新式拉麵店。
服務方面，見水壼沒水會主動換新水壼。
Post
