Poach

今日四個人為左慶祝朋友生日而一早預約左位食晚飯. 見到排哂隊. 心諗無死. 一坐低就重複提左我地兩次只可以食90分鐘😥坐坐下有個位滴水滴到個頭. 我地即刻同仕應反應. 佢話「係呀. 呢個位係滴水. 或者坐過隔離. 我地有同業主講」大佬呀. 搵野阻住個位寫左滴水都好呀. 唔好意思都無句. 問有無wifi又話無. 見住有個wifi名係佢地個名. 唔用得又唔講. 就咁話無. 不過要稱讚其中一位仕應既服務態度幾好. 佢因為見我地第一次黎. 會講解個餐牌同推介邊一款好食. 咁我地叫左3個一汁三菜同一個班戟. 上菜個時有個仕應唔知係咪無train過. 就咁用佢隻手將我個入住口罩既袋掉去側邊. 唉. 未食已經心情唔好. 算. 咁個班戟黎左先. 賣相同味道唔錯. 個麻糬同班戟好特別可惜個雪糕溶得好快. 之後黎左個清魚. 心諗係個仕應特別推介一定無死. 點知一食無味😰唉. 之後黎埋個漢堡排同鰻魚. 漢堡排都正常既. 個鰻魚真係出左事. 要用刀都好難切開. 食落彈牙到以為食緊啫哩🥵 我地同仕應反應「個鰻魚好彈牙」.佢話因爲個鰻魚係「黎自日本所以厚身過平時食個啲」講到我地無去過日本食鰻魚🙄算. 唯有打個食評同大家講講. $150一個晚市套餐. 睇返之前無耐原來加左$10以上. 個餐牌得一汁三菜、咖哩雞排、得個包既沙侓吐司、同埋唯一可以接受既班戟. 就無其他選擇. 如果佢地主打班戟同甜品. 我地都唔會嬲. 就係因為啲咸食難食仲要收咁貴. 🔥都黎. 如果你睇完佢Openrice咁多好評又多人收藏. 你大可以去試下. 食環境、飲品同個班戟係無問題. 不過如果食物選擇同質素真係一不可再. 呢個價錢出面食到更多好野. 雖然無証據. 但係可以估到有啲食評係買返黎. 唉. 希望店主見到可以改善下🙏🏼