接近8點,餐廳只有3成入座率,不感奇怪,因為一望餐牌,再望下價錢就知道原因何在~~先講餐廳環境,好舒服以白色為主的裝修,卡位亦係好華麗的梳化,好闊洛,絕對係一間好好坐嘅餐廳!
一坐低唔夠10秒,waiter就送上"免費的蝦片",蝦片都仲幾脆,餐前小食都算可以接近~~
再望menu,款式唔多,中英對照的菜名,沒有半張圖片,都唔知D菜係咩樣,唯有靠估!!!!
我們的柯打:-
蒜蓉包
落單幾分鐘就送上,金黃色好似烘得好好味,點知?!!?一D都唔脆,入面仲係凍嘅?!!?相信係烘左好耐待用,蒜蓉味都叫做有少少,但唔熱唔脆嘅蒜蓉包,真係好難入口囉~~~
軟殼蟹米卷
又係一道一早整好待用嘅菜式,軟殼蟹唔脆唔熱,靠醬汁吊味,可惜醬汁只係普通嘅甜醬,外面包住個塊包好難咬開,係道菜本身係咁,定還是又係放得太耐?!?!
咖哩海鮮
諗住用嚟點蒜蓉包,可惜蒜蓉包已經失色,咖哩無半點辣味,只係一兜黃色嘅汁,海鮮更過份,數粒蝦仁,八爪魚....少得可憐,只有幾舊好大嘅薯仔充撐到好似好多咁,賣到$60幾蚊會唔會唔太值?!?!
馬拉盞炒通菜
最正常的一道菜,是熱的,應該係即炒,用馬拉盞嚟炒,味道難食有限,相信係最易煮的一道菜,但同小巴黎比仍然差一條街,價錢就更加貴一條街啦~~~
青檸相打
想像到唔會俾一支梳打你自己倒,大半杯冰,兩啖就飲完,青檸亦好慳,得2粒,成為$19,真係買個珍珠奶茶仲抵飲~!!!!
炒金邊粉
我已經唔記得係xx炒金邊粉,因為成個面都係配菜,D咩蘿蔔絲,咩咩絲一大堆,印象中有幾小舊豬肉,好油的金邊粉,又係唔知$60幾蚊.......
所有菜嘅份量都係細,食左咁多野都唔覺得飽~~~最大問題係,凍,油同埋無味......
哩間餐廳從此black list,再係咁落去,好難喺屯門市廣場生存,請盡早轉營吧啦~!!!
