熨烤達人 (Closed)

據聞韓式古法嘅燒烤，喺會將一塊熨斗狀嘅鐵塊壓嚮肉嘅上面，將肉汁鎖緊，令到肉質更加鮮嫩。調味豬頸肉 HKD75、肩胛肉 HKD120肩胛肉同豬頸肉一向都係我嘅最鍾意食嘅燒肉部位。肩胛肉嘅肉質鮮嫩，油花入口即溶，而豬頸肉就燒到好爽口，調味亦都恰到好處，味道濃郁滋味～！厚切五花肉 HKD158韓燒除咗要食牛肉之後，五花肉亦都係一個唔可以放過嘅肉類。呢件五花肉無論係顏色，定係脂肪嘅分佈都好靚。本身見佢咁大件，都怕要燒好耐先食得，但搵鐵熨斗壓住佢嚟燒，受熱均勻咗，明顯地比平時熟得快，未食就已經聞到好香嘅油香～不過總括嚟講食物價錢偏貴，唔算抵食，只喺燒烤嘅方式比較新奇有趣。