八妹雞煲 (Moved) New Location

家住九龍，好日唔入大埔一次，話說今日去大埔附近拍野，拍完當然要係附近覓食一下。一大班crew 連埋我成10個人，最好就係打下邊爐，飲下啤酒咁，佢地提議去食八妹雞煲。果日有少少喉嚨痛，所以我地嗌左一個雞煲同一個醉雞窩，我就當然係食醉雞啦。個窩都幾足料，個面有好多紅棗呀、紀子之類的中藥，而雞亦塞爆成個窩。見佢滾就急不及待開動試舊雞先，又嫩又滑，仲有淡淡的花雕酒味，好鬼香，唔洗點豉油都好夠味。啲雞食得7788，我地放啲火窩料落去淥，牛肉都唔錯，啲顏色都幾新鮮，肉與脂肪比例剛好，就算掛住傾渴淥耐左都唔會硬繃繃，幾好，下次入埔都可以再encore!