新味芳 (Closed)

古早蛋糕店愈開愈多，我幾乎每星期都會買返個，返屋企一齊同家人分享～尋日經過太子，見到呢間新味芳，有長長既人龍排隊，一問之下，原來大家都等緊特定時間出爐既新鮮古早蛋糕，我都即刻排隊買返兩個返屋企～熱辣辣新鮮出爐既古早蛋糕蛋香十足，真係好吸引。新味芳有五款口味選擇，包括原味、芝士味、肉鬆味、黑糖味同抺茶味。我就買左個大熱既芝士味同肉鬆味。芝士味古早蛋糕濃香芝士夾雜鹹蛋黃，加熱後即有流心拉絲效果，賣相吸引，充滿蛋香，食落鬆軟夠濕潤唔會乾，邪惡得黎好香口!肉鬆味古早蛋糕中間有厚厚一層肉鬆，勁足料，咬落好有口感，蛋糕蛋香味濃郁，加熱後蛋香撲鼻，口感濕潤鬆軟有彈性唔會死甜!