潮菜廳 (Closed)

昨天和女友去銅鑼灣睇完戲好肚餓，想去金鳳，點知要排隊。看到隔鄰間潮菜廳幾企理同門口餐牌有每位$138套餐，就決定入去試試。坐底覺得環境唔錯，因為樓底高又光猛，之後套餐頭盤鮑魚、元貝好大粒，好味道，個湯夠足料，有花菇、鱘魚膠的同雞腳等等。鹵水鵝片夠入味。最好味係川椒骨，不過份量少了點、金針黃花魚夠新鮮，我少食金針都覺得啲金針幾好食，個炒飯好大碟，凍咗都好食，又唔油膩。叫埋單時，個靚女經理話本店開店週年紀念、食呢個$138套餐每位奉送” 木瓜燉燕窩” 一碗。真係有驚喜，特意推介吓。