地點：銅鑼灣澳門逸園中心
菜式：日式居酒屋
餐牌：主打特色創意卷物。主餐牌有前菜沙律，刺身，壽司，多款特色卷物，燒物，串燒，鍋物，天婦羅，小食炸物，飯麵類，清酒同飲品，仲有二人套餐。落單用QR code。
日式麻醬豆腐沙律 $88 另加一
日式麻醬豆腐沙律好大兜，係生菜加沙律雜菜加中華沙律做底，面頭加上6片豆腐，再加上好多三文魚籽同蟹籽添鹹香，同埋黑白芝麻粒，伴有少少車厘茄，日式麻醬好多，夠哂味道又清新，夏天食好啱。
東京爆脆 $98 另加一
呢款卷物一客5件，都係大大件，係紫菜飯卷包住紫菜同少見既吞拿魚加蟹柳天婦羅，再加上辣味沙律醬同醬汁。飯卷加上蟹籽。食落係好脆天婦羅皮同半熟吞拿魚，而帶好香魚味，味道係少少辣，好惹味。飯卷伴有酸薑片同日式芥末。
琦玉網燒牛舌 $78 另加一
琦玉網燒牛舌一客4件一口size，牛舌夠厚，又彈牙又有肉汁，質感超好，正，果然係推介菜式！伴有少量爽口椰菜絲沙律同酸汁。
炸軟殼蟹天婦羅 $88 另加一
炸軟殼蟹天婦羅果然係原隻上枱，不過腳同身已經分開。炸得熱辣辣，伴有蘿蔔蓉，食落絕對辣口，蟹身仲有膏添。
裝修係以木材為主，非常日式，座位舒服，服務員態度正常，食物質素唔錯。
