古今二 (荃灣千色匯I) (Closed)

今日約咗朋友仔喺荃灣搵食， 佢帶咗我藜千色匯廣場呢度， 話要試下新嘢 。餐廳叫古今二 ，是否古今皆宜，😛 咁就要試下啦 。餐廳感覺好闊落 ，幾開揚又有私隱， 餐牌選擇非常多， 菜名可以話係天馬行空 ，龍飛鳳舞，蜘蛛都有得食。🕸🕷 首先揀咗個柚想蝦你沙律 ，新奇有趣嘅名字， 我唔想畀人蝦，😜 可以食返想蝦我嘅沙律 ，沙律材料豐富， 字面所見 ，有柚子🍊， 蝦🦐，當然有沙律菜🥬 ，原來仲有海草， 車厘茄 🍅，牛油果 🥑，蘋果🍏 ，好好味嘅柚子汁 ，非常清新可口 ，越食越開胃。開胃即係肚餓啦， 所以點咗兩款壽司🍣， 超級龍捲風， 同埋蜘蛛。 睇名冇辦法想像到內容 ，原來超級龍捲風有海老 🦐，鰻魚， 芝士🧀， 青瓜🥒，脆片。 我哋就好似龍捲風咁掃曬個超級龍捲風。😋跟住就到蜘蛛， 個樣都有少少似蜘蛛， 因為係軟殼蟹做的 ，唔通軟殼蟹係屬於蜘蛛科 ，🤫所以就叫蜘蛛。最後係雜錦天婦羅 ，有蝦 ，釀秋葵 ，日本紫薯 ，好新鮮 ，好有新意 ，秋葵入面釀咗啲蝦滑 ，日本紫薯又香又糯， 食到停唔到口。👍💯下次要嚟試下午夜牛郎 ，睇下可唔可以忘不了你。🥰