發現古今係旺角開左新的分店 就決定去試一試
新店的門口有一部扭蛋機 消費滿指定金額就可以扭蛋
當晚有食客抽中原條空運魚刺身 真係好幸運👏
我地揀左豆腐沙律作為前菜🥗
豆腐嫩滑 沙律份量充足 都幾抵食
然後我地揀左一啲串燒🍖
其中我最鍾意黑豚荔枝卷串燒
黑豚燒得焦香 同juicy的荔枝非常配合
另外 牛舌串燒亦非常美味
牛舌肉質柔軟 肉味香濃 我都幾鍾意😁
古今最出名就係卷物
火山卷一上桌就會點火
熊熊火光配上澎拜的蟹柳沙律山
非常適合打卡📷
火焰金龍卷的配料非常豐富
三文魚 炸蝦 芝士的配搭非常夾
炸蝦亦非常香脆 好味😋
最後想食啲熱野 就叫左一個牛肉壽喜燒鍋
鍋的份量非常多 有海量蔬菜 冬菇 豆腐 粉絲 牛肉
粉絲吸曬牛肉湯汁 令人食指大動
真係非常滿足的一餐☺️
