茶丼家 (Closed)

疫情期間都冇出去食飯，導致太耐冇寫食評，就黎個屋企樓下外賣系列。茶丼家一直都係我心愛食店之一，食三文治嘅首選。今次就第一次食佢嘅炸雞。佢有幾款炸雞選擇，就叫咗趣味炸雞。一盒有大約7舊炸雞件，旁邊有沙律同埋酸蘿蔔。雞件嘅size可以想像成一件K記炸雞胸分成3-4件。之於點解係「趣味」，我都想知。表面嘅醬望落似芝士醬，但食落又冇芝士味，想再品嘗清楚啲，可惜太少醬。所以基本上等於同冇醬，好彩炸雞本身有經調味，唔會食到淡。炸得幾好，唔多油，食落雞件唔會嚡。最有驚喜係酸蘿蔔，酸酸地好開胃同解膩！飲品方面，一如既往咁好。香芋奶茶好足料，有好多芋頭蓉。