牛知己 (Closed)

最近天氣又轉涼梗係要打邊爐 日式港式火鍋就食得多 韓式你又食過未 喺元朗嘅呢間牛知己就係食韓式火鍋 生日夜晚嚟到都幾爆 最好預先book位 枱櫈好闊落 大量卡位 四人卡位都好舒服 最特別係送餐用上電動路軌 唔使人手送過嚟 好得意湯底揀咗原味牛骨湯味道唔錯 唔會好鹹 食完都唔口渴特選肥牛肉質嫩滑 厚薄適中 唔會好韌 而且牛味濃郁 重點係肥瘦適中 啱曬我呢啲注重健康嘅中女豚肉就比較肥同埋淡味 如果唔食牛都係一個唔錯嘅選擇 不過我就冇再追加雞肉好有誠意咁用咗雞腿肉 十分嫩滑 而且淥耐啲都唔會過老仲可以用ipad追加其他食材 我就點咗玻璃蝦 玻璃蝦煮完十分爽脆真係半透明 有趣除此之外仲可以自取蔬菜同埋丸類 仲有飲品同雪糕