成餐飯落來，無論食物出品同服務冇咩出錯嘅地方，都諗住可以推薦俾朋友來食，直至到收尾埋單都冇去留意張單。
因為點嘅嘢多，只檢查張單嘅嘢上齊未，完全冇留意佢有冇打9折。
只因週日至週四係OPENRICE點餐都有9折優惠，中途加人我都有打電話去確認係咪有9折，餐廳都確認話有。
點知張單就冇打折，事後打去問，又逢颱風，打都冇人聽，等到打通咗，接聽人態度極差，話「件事過咗去，當時你查單又冇查出來，你有責任提醒我地張單出錯㗎嘛」。
瞬間好感全冇，乜餐廳唔係有責任唔好出錯單嘅咩？即使最後冇辦法出翻條數，起碼服務態度好啲，話好抱歉，系統冇辦法改，我都感覺舒服啲，一上來就砲轟式推卸責任，以後都唔會幫襯！
