Video
Read full review
2022-03-15
2278 views
餐廳：友利坊 x 友利冰室 x 勿當奴 (太子)地址：太子彌敦道750號始創中心地庫B02-06號舖好耐無食金拱門🍟，而喺疫情當中友利坊 @yauleibistro 就疫市開咗3間餐室，分別喺荔枝角、新蒲崗同太子，主打中西混合嘅食物，除咗有港式燒味同燉湯，仲有中式小菜同西式主食，當然唔少得為人熟悉嘅勿當奴食物啦🍔我今次就去咗太子始創中心地庫呢間分店，先喺門口counter買嘢食，之後行經雪櫃拎完嘢飲就可以入去搵位坐慢慢等人送嘢食嚟😎。等嘅時候睇吓周圍嘅裝飾同一句句為香港人打氣嘅句子，勉勵一下同路人💪，畢竟依家自由真喺愈嚟愈矜貴，要好好珍惜🥺✝️美國穀飼叉燒炒蛋飯 $58用上外國勢力——美國嘅穀飼豬肉去秘製叉燒🇺🇸，自然放養唔加任何抗生素同激素，食落叉燒肉質嫩口多汁，脂肪比例唔算多，比較偏瘦；加上香蔥炒滑蛋同特製醬汁配上白飯💦，簡單而惹味😋✝️脆香雞翼 $16/2隻喺好耐無食過嘅勿當奴雞翼🥲，雖然就有啲厚粉，但佢嘅香脆可口程度同埋泰式辣醬真喺可以媲美其他快餐店嘅脆香雞翼，值得回味😙✝️樽仔咖啡 +$8餐室仲推出自家製樽仔奶茶、咖啡、花旗蔘蜜、羅漢果茶同伯爵茶🥤，試咗佢哋嘅樽仔咖啡，香就幾香，而
地址：太子彌敦道750號始創中心地庫B02-06號舖
好耐無食金拱門🍟，而喺疫情當中友利坊 @yauleibistro 就疫市開咗3間餐室，分別喺荔枝角、新蒲崗同太子，主打中西混合嘅食物，除咗有港式燒味同燉湯，仲有中式小菜同西式主食，當然唔少得為人熟悉嘅勿當奴食物啦🍔
我今次就去咗太子始創中心地庫呢間分店，先喺門口counter買嘢食，之後行經雪櫃拎完嘢飲就可以入去搵位坐慢慢等人送嘢食嚟😎。
等嘅時候睇吓周圍嘅裝飾同一句句為香港人打氣嘅句子，勉勵一下同路人💪，畢竟依家自由真喺愈嚟愈矜貴，要好好珍惜🥺
✝️美國穀飼叉燒炒蛋飯 $58
用上外國勢力——美國嘅穀飼豬肉去秘製叉燒🇺🇸，自然放養唔加任何抗生素同激素，
食落叉燒肉質嫩口多汁，脂肪比例唔算多，比較偏瘦；
加上香蔥炒滑蛋同特製醬汁配上白飯💦，簡單而惹味😋
✝️脆香雞翼 $16/2隻
喺好耐無食過嘅勿當奴雞翼🥲，雖然就有啲厚粉，
但佢嘅香脆可口程度同埋泰式辣醬真喺可以媲美其他快餐店嘅脆香雞翼，值得回味😙
✝️樽仔咖啡 +$8
餐室仲推出自家製樽仔奶茶、咖啡、花旗蔘蜜、羅漢果茶同伯爵茶🥤，試咗佢哋嘅樽仔咖啡，香就幾香，而且細膩醇滑，不過就有少少甜得濟🤏
下次再嚟一於試埋佢哋嘅漢堡包同其他中西式食物先😛
Post
