❤️黯然叉燒飯 (單點)💰5️⃣9️⃣
1
叉燒燒到焦香，肥瘦大概係3:7既黃金比例👍
瘦既部位都係屬於比較有嚼勁既口感，但唔係韌，幾好食～
蛋夠流心，撈埋佢嘅秘製豉油同蔥油落啲有飯香兼粒粒分明既靚金鳳米，的確係唔錯！🫢
❤️脆皮叉燒包 💰8️⃣
相對細個好多，可能啱啱出爐既關係，外層既皮真係脆脆地既👍
口感軟熟，偏薄身，奶味幾重
裏面嘅叉燒亦都微暖，唔會太肥亦唔會太膩😋
⭐️菠蘿包 💰8️⃣
雖然唔算空氣，但面頭唔夠脆，側邊亦太乾身，係失望的….
⭐️酥皮蛋撻 💰8️⃣
可能放咗好一陣子嘅關係，酥皮唔夠酥，甚至有啲油溢味…..
蛋漿口感偏紮實唔夠滑，唔太岩我個人口味，比起菠蘿包呢樣更失望….
如果有下次我諗要望住佢塊板睇吓幾時出爐先好嗌🤦🏻♀️
可能如果或者有機會下次都會再黎試多次既😂
