3點開始排隊, 等半小時就入得, 初三都開工為香港人服務, 抵幫襯呀❤️
叫咗一個叉燒炒🇺🇸蛋飯, 冚家雞餐+椒鹽燒賣, 同男朋友share食.
叉燒切得好薄, 但份量一啲都唔少, 而且質感同友利坊一樣, 絕對係香港數一數二好食. 炒蛋唔會太老或者太生, 好嫩滑. 飯汁同叉燒蜜汁一齊, 如果平時食得比較清淡可能會覺得有啲重口味, 對大部份人應該都係啱啱好!
椒鹽燒賣唔夠熱, 不過上面灑滿味粉, 我估係七味粉加燒烤味粉, 好惹味! Nuggets炸得好脆又夠熱, 裡面好滑竟然仲有汁. 最驚喜係個甜酸醬汁, 除咗重mustard味, 仲有啲花生醬味, 成個感覺好似烘烤過咁, 好得意好特別!
成間舖都畫有滿有共鳴嘅壁畫, 色彩斑斕, 置身當中感覺熱鬧有生氣. 希望, 未來的香港也同樣充滿光芒, 大放異彩.
