旺記燒味茶餐廳 (Moved) New Location

灣仔食午飯, 一向又多人, 又貴, 又唔抵食。 賣燒臘嘅舖頭其實都幾多, 但係間間都好貴(相比其他區)。今日突然心血來潮, 好想食叉燒、燻蹄, 嚟都呢一間小店, 睇落似老字號, 價錢都ok。坐低都冇睇餐牌, 就叫咗 <叉燒燻蹄雙拼飯> 及一杯 <熱奶茶>。<叉燒燻蹄雙拼飯> 份量尚算ok, 剛剛夠我食飽。叉燒切得細咗啲, 滿足唔到咬口。但味道都ok, 好味。燻蹄都唔錯, 唔會太乾身, 皮肉適中, 爽口, 夠適度的白鹵水味, 加上燻蹄嘅醋汁, 好味。飯就略為硬身咗啲, 唔啱我胃口。師傅落得比較少豉油給我, 但啲飯都有吸收咗啲叉燒味, 夠我食, 我食得比較味啖, 所以冇乜所謂。<熱奶茶> 茶味淡咗少少, 加上冷氣大, 杯奶茶凍得好快。地方淺窄咗少少。 服務唔錯, 街坊風味濃厚。 另外呢度2:30pm後有$35起嘅下午茶餐, 都有好幾樣選擇, 好抵食。