茶湯會 (豉油街) (Closed)

成日聽男友話茶湯會有幾好飲，但公司附近同埋屋企附近都無分店，身為茶嘅愛好者，每次聽親佢講都心癢癢，今日落旺角終於有機會朝聖。雖然是星期六旺角，幸好等侯時間唔算長，可能係location唔係座落掃街最旺果條街。聽講最好飲係鐵觀音latte，但個人黎講麻麻地中意太多奶，所以最後揀左鐵觀音珍珠奶茶。之前有興過一排勁大粒嘅珍珠叫波霸，但我都係中意一口有勁多粒珍珠可以慢慢咬，而茶湯會嘅珍珠就係迷你珍珠，一口勁多粒煙煙韌韌的，好有𡁻口。講翻個茶，用咗鐵觀音做茶底，濃得黎又無鐵觀音的苦澀味，而且口感幼滑，總令人忍唔住一口接一口咁飲。