福岡漢堡扒 (鴻威大廈) (Closed)

之前經過尖沙咀見到呢間【福岡漢堡扒】已經好想試，但果時好多人排隊，所以就卻步左。最近發現旺角都開左一間新分店，所以就去左試啦。店内地方唔算太大，而且有靠墻既毒毒位，一個人去食都唔怕尷尬。呢間餐廳既賣點就係鐵板自己燒漢堡扒同每個位都有一個自己專屬既抽風。我同fd就叫左一個二人套餐3號，包括兩個芝士蛋蒜和牛漢堡扒、月見味增牛丼同兩個飲品。本身有包味增湯同沙律。 芝士蛋蒜和牛漢堡扒：漢堡扒係鐵板上面圓碌碌，好cute，而且芝士同蒜都算ok多。臺墊上面都有教你點食既，只要跟住步驟就ok。熱石真係好熱，所以頭幾舊漢堡扒要小心唔好煎燶。漢堡扒油脂滿滿，非常香牛味。另外蛋同芝士都可以增加D唔同口感。中途店員會幫你換左個熱石、確保夠熱煎熟個漢堡扒。而且味道唔會太鹹。 月見味增牛丼：超級大碗，大概可以裝4碗滿既飯碗，牛肉同雜菇分量都算好多，味道唔會太鹹，都非常不錯，不過略嫌油左少少。 總括都非常不錯，又有新意可以邊食邊玩，有機會會再試下其他口味。