餐廳環境非常舒適，每張枱間隔非常寬敞。枱面亦都夠晒大，絕對可以俾大家擺到成枱面都係食物。
🍲 鴛鴦鍋底［芫荽皮蛋豬骨鍋x 上素蟲草木耳鍋]
芫荽控必點！經典皮蛋豬骨湯撞上芫荽；另外愛養生的，就可以點上素蟲草木耳鍋，湯底材料都係健康食材，沒有過多濃味，先食得出火鍋配料嘅原汁原味。個人覺得，湯底唔好咁濃味，自己喺調味料區揀返自己喜歡嘅口味，咁樣會更加好食。
![鴛鴦鍋底［芫荽皮蛋豬骨鍋x 上素蟲草木耳鍋]](https://static8.orstatic.com/userphoto3/photo/2V/29QK/0G58ZZF1CA54EFF57976E6lv.jpg)
🥩 澳洲和牛
和牛肩胛肉眼：和牛肩胛雪花超靚，我自己碌5秒再蘸生雞蛋豉油，自製壽喜燒魂！
月見封門柳：封門柳牛味都相當香濃，牛肉比較有咬口感。
🌊 海鮮
1. 福隆刺參：台灣直送活參，咬落「唧唧」聲似食緊海底蒟蒻。
2. 原隻鮑魚：鮑魚相當稔軟，完全沒有死實感。
3. 駅前海老：手掌長度嘅海蝦，蝦頭膏多到漏出來，煮熟啲啲順便可以令湯底更加鮮香。
4. 無骨黑魚片×白鱔片：雙魚片打孖上，黑魚片非常嫩滑，而白鱔皮就帶點脆感，各有特色。
🍢 小食
推介大家要點香港限定小食，咖喱魚蛋、格仔餅、煎堆仔。試一口非常有驚喜，特別係格仔餅，整得又脆又夠多醬，比起街邊小食店整得更加好！
其他小食亦都唔錯，蚵仔煎、香辣蒜泥滷腩片、黃金蒜茸扇貝，亦都係出邊港式大排檔級數。
🥬 自助區
蔬菜區：大推台灣冰菜，亦有多款蔬菜菇類可以選擇。
醬料區：多款配料自行調製，建議湯式揀清一點，再自己撈上喜歡的調味料。
飲品：有台式飲品、大類罐裝飲品選擇，真係要飲一啲平時少見到嘅飲品，可以回本呀
甜品：我就推介仙草凍，可以自己落配料，好玩得來又好食。
1
最後，山見仲會送代幣畀你去夾公仔，真係「只差一點點」咋，下次決定約多幾個朋友再戰山見！
71
