Video
Read full review
2020-06-15
817 views
話說呢次中伏係自己攞嚟嘅，千揀萬揀揀著個爛燈盞😴。因為開始咗鐘意食辣，特別係麻辣，就決定捐窿捐罅挑戰味蕾。其實嚟之前，我已經十五十六試唔試好，因為覺得中伏機率高於一半。呢啲叫做明知山有虎，偏向虎山行🤣。一去到已經覺得好搞笑，就係門口招牌甩皮甩骨，舖名變咗「重口口」...。門口外面係望唔到入面嘅，帶份神秘感加不安感😅。一推開門後，發現餐廳幾大，而且仲有唔少人食緊，麻甩佬同學生妹嘅客人都有！不過店員就無縱影😯。冇幾耐之後中年女店員就行咗出嚟，問我係咪食飯呀，但啲飯賣晒啊。其後又喝令我等等，等佢煲咗飯先...，我心諗我都唔係食飯🍚。當佢就嚟搞掂之後，佢就幫我落單，但全程心散，我要重複講幾次。等嘅期間，我覺得自己置身於一個比大陸更大陸嘅地方，除咗因為餐廳係食四川辣野之外，嗰種紅底黃字嘅裝修環境真係好有中國特色🇨🇳。不過抵讚位係冷氣充足！餐廳午市有做特價飯餐、冬瓜湯飯餐、水煮餐同埋粉麵餐，我呢日就係嚟買碗粉當午餐嘅🍜。我要咗兩餸麻辣湯紅薯粉($32, 外賣加$1)，價錢都算平嘅，份量亦都多...。但可惜味道就有點驚嚇😱。首先佢毫無麻辣嘅香味，即係色香味俱全入面已經冇咗「香」呢個元素。至於「色」方
話說呢次中伏係自己攞嚟嘅，千揀萬揀揀著個爛燈盞😴。因為開始咗鐘意食辣，特別係麻辣，就決定捐窿捐罅挑戰味蕾。其實嚟之前，我已經十五十六試唔試好，因為覺得中伏機率高於一半。呢啲叫做明知山有虎，偏向虎山行🤣。
一去到已經覺得好搞笑，就係門口招牌甩皮甩骨，舖名變咗「重口口」...。門口外面係望唔到入面嘅，帶份神秘感加不安感😅。
一推開門後，發現餐廳幾大，而且仲有唔少人食緊，麻甩佬同學生妹嘅客人都有！不過店員就無縱影😯。
冇幾耐之後中年女店員就行咗出嚟，問我係咪食飯呀，但啲飯賣晒啊。其後又喝令我等等，等佢煲咗飯先...，我心諗我都唔係食飯🍚。當佢就嚟搞掂之後，佢就幫我落單，但全程心散，我要重複講幾次。
等嘅期間，我覺得自己置身於一個比大陸更大陸嘅地方，除咗因為餐廳係食四川辣野之外，嗰種紅底黃字嘅裝修環境真係好有中國特色🇨🇳。不過抵讚位係冷氣充足！
餐廳午市有做特價飯餐、冬瓜湯飯餐、水煮餐同埋粉麵餐，我呢日就係嚟買碗粉當午餐嘅🍜。
我要咗兩餸麻辣湯紅薯粉($32, 外賣加$1)，價錢都算平嘅，份量亦都多...。但可惜味道就有點驚嚇😱。首先佢毫無麻辣嘅香味，即係色香味俱全入面已經冇咗「香」呢個元素。
至於「色」方面，佢係濃濃嘅油紅色，嗰種油膩感由打開一刻經已感受到🤢。再者，當我將啲餸同麵分開嘅時候，啲湯同步蒸發晒...，我彷彿以為自己係嗌咗乾撈。公道啲講，紅薯粉味道係正常嘅，口感稍為淋身咗啲啫。不過真係太油，我冇辦法食晒😳。而且佢冇麻辣嗰種好味道，只係得好多花椒辣椒碎癡喺個喉嚨度。留意番，佢嘅小辣係唔辣的🌶。
9 views
0 likes
0 comments
題外話，佢廚房煮我嗰碗粉煮咗成十五分鐘都有...，洗咪咁耐啊？我趁等待呢個時間，就𥄫下佢個餐牌，餐廳晚市主要係做四川辣菜同打邊爐的🍲。
總括嚟講，呢間餐廳真係唔多掂，無論食物、環境、衛生同服務方面，全部都令人失望。我其實好少俾負評，但呢次可算係毫無懸念作出呢個決定👎🏻。我寧願食杯麵好過。四川重口味？不了。不了。不了😨。
Post
