Imperial

早排新聞有單爆疫餐廳，我誤以為就係呢間，之後朋友講起先知唔係！
讀音一樣，但寫法唔同！招牌都唔同！😆

呢頭講完個頭就有人話去食嘞～🤤

麻辣滷水併盤

呢個前菜應該係每枱必食！
滷水夠入味！麻辣惹味～🔥打開味蕾

什菌大蜆豆腐湯

簡單而美味☺️

薑蔥大肉蟹

哇！巨蟹座駕到！勁大隻！
烹調方法可選，上次揀花雕蛋白蒸，今次試薑蔥～
惹味！啖啖肉～

花雕蛋白蒸龍躉球

上次蟹用花雕蒸蛋白底，今次就蒸龍躉～～上枱個陣酒香撲鼻～蛋白好滑加魚又好滑～小心滑～

士多啤梨骨

士多啤梨骨都係每次必食嘅～酸甜開胃～啲豬肋骨大大件～肉質腍～👍🏻

花菇鵝掌

厚身花菇/鵝掌隻隻入味，調味適中！